| Intro | Algerian singer and guitarist |
| Is |
Musician Singer Guitarist |
| From | Algeria |
| Type | Music |
| Gender | male |
| Birth |
20 May 1969, Mâatkas |
| Age | 51 years |
Aɛli Ɛemran, s yissem-is unṣib (Aɛli Kulugli, s tefransist : Ali Koulougli), d acennay n tmurt n leqbayel, ilul-d ass n 20 Mayu 1969, deg Igariden i d-yezgan di Mɛatqa (Tizi wezzu). Ɛemran yella d isem n yiwen si lejdud-is.
Tameddurt n Aɛli Ɛemran
Temẓi-s
Yebda yettarra lmendad-is ar uẓawan si temzi-s, asmi yella isell i Radyu ak d kra n tesfifin n kra icennayen yellan di teswaɛt nni, Aladra isell i widen akken ḥarmen ur d sɛeddayen ara tizlatin nsen deg yimaṭṭafen n Radyu n tmurt n Lzayer, amedya n Dda Sliman Ɛazem… d wiyaḍ nniḍen
D ameẓyan yettaɛraḍ yetturar snitra, yessaweḍ ixedm-ed yiwet s tebelyunt n zzit, am akken xedmen ak icennayen iɛeddan weqbel-is ; Yettaɛraḍ, yeṭṭafar, yal tizlitt umi slan imeẓẓudzen-is ; D acu kan netta yesɛa zhar, imi yufa-d snitra deg wexxam si temẓi-s, xas akken ttaqburt maɛna ar ɣures tesɛa azal meqqren ; Tella niqal n d ayla n gma-s armi yuɣal ikesbi-tt, netta.
Amecwar-is n Lfen
Asmi yeffeɣ i tillumẓit, Aɛli yettwassen d win yettarun isefra ak ttezlatin, imi tizlatin ines timezwura i yura, Kra deg-sent cnantent kra icennayen yetwasenen, gar-asen Lani Rabaḥ.
Asmi yella di tesdawit, dinna Aɛli i d-yebda yettbin-id, imi yella yetturar snitra, ixeddem aẓawan, icennu i yiwet n tarbaɛt umezgun n tesdawit n Dda Lmulud at Mɛemmar di Tiziwezzu, uwumi qaren <Maɣres> ; Di tallit nni, yebda yetturar tizlatin n Yidir, Simon and Garfunkel, Moustaki, Cabrel, Inaṣliyen, Pink Floyd, Abranis, Cat Steγens,… S wakka Aɛli ilemmed u yebda isurifen ines imezwura deg-wubrid n lfen.
Di 2001, yesekles tasfift-ines tamenzut, anda is yeqqar : <Amsebrid>, s wakka, s tesfift-agi, Aɛli yekcem annar n cna.Ur iɛeṭṭel ara yebda timaɣriwin di tmurt n leqbayel, deg-waxxam n yedles Lmulud at Mɛemmar, daɣen deg-wuxxam umezgun n Bgayet.
Arazen & Tifaskiwin
Aɛli daɣen yuka deg waṭas n tfaskiwin, s kra n wanda id iɛedda s waraz, imi cna-ines s ṣṣut-is d uẓawan-ines yufraren-d.
Araz amenzu, yewwit-id di tafska taɣennawt n cna n teqbaylit, araz wis sin, yewwit-id di tafska uẓawan n Ṣumam.
Abrid n lɣarba
Deg useggas n 2000, Aɛli yeǧǧa tamurt-is, yeǧǧa taddart-is, yunag ar tmurt n Fransa, anda yella yezdaɣ di Lpari, ula dinna, am da di tmurt iqeddec, ixeddem daɣen timaɣriwin. Aken assegas, ilemnd n tefsut tabarkant, Aɛli yecna di tzeqqa n Zinit (Zénith) di Lpari, s idis n ucennay ameqran Farḥat Imaziɣen Imula, Akli. D, d Gnawa Diffusion. Zdat n lɣaci id yusan, tizlitt-is <A xali sliman> yufrar-d yarna taɛǧeb nezzah i lɣaci nni id yussan, yeslkelsitt yarratt di <le clips> weqbel ad yessufeɣ tasfift-is, tinna yessufeɣ di 2005. Aɛli yessewjed tasfift tamaynut id yefɣen deg-wuseggas n 2009, anda is yeqqar : “Akka id amur”.
Tisfifin n Aɛli Ɛemran
2001, Tasfift tamenzut anda is yeqqar : <Amsebrid>
2005, Tasfift tis snat anda is yeqqar : <Xali sliman>
2009, Tasfift tis tlata anda is yeqqar : <Akka id amur>
Ayen nniḍen
…
Tamselyut
- [1], Aɛli Ɛemran, Xali Sliman. (Ali Amran)